Aktuelt

Sámi Mánáid Teáhter bovde bearaščájálmassii, mii heive buohkaide geat leat boarráseabbo go vihtta jagi 26.03. dii 17:00. Deanu Birasvistái

Viimmat oažžut Mary govaid Detnui! Viimmat boahtá dát uhca, stuorra nisu ruoktot govaidisguin. Mary lea bargan,  sitkatvuođainis, sámegielain ja kultuvrrain eallinagistis, ja dáid bargguin leamaš stuorra váikkuhusat servvodat ovdáneapmái Sámis.

Lea Stáinnak-čájálmasa oktavuođas man Sámi Mánáid Teáhter dál lea gárvvisteamen, mas lea vuosttaščájálmas 26.03. Mary lea čállán čájálmasa giehtačállosa, ja geahččit besset vázzát sisa Mary universii juo Galleri Martinas.

Mii bovdet vernisassje rahpamii sátnejođiheaddji Jon Erland Balto bokte 12.03 dii. 1700 Deanu Birasvisttis. Lávlun gullo, soitet dánsejeaddjit oidnot, Anne-Lise Varsi goitoge gullo juoigamin. 

Mii guossuhat juoidá. 

Mii čájehat njealjje Mary monumentála gova. Dát oidnojit dušše vernissasjas. Dát govat leat 3x4 m. Ja leat albma “ivdnebombbat”

Sámi álbmot beaivve dii 1700 čájeha Deanu dáiddár Elisabeth Arneng Varsi på Sámi dáiddaguovddážis i Kárášjogas. Son lea okta golbmasis : “Upcoming Local” . 

Upcoming Local čohkke golbma ođđa dáiddara Tromssas ja Finnmárkkus. Sii leat Marije Jenssen, Elisabeth Arneng Varsi ja Johanna Mujunen. Vaikko sii leat iešguđet dásiin iežaset dáiddalaš mátkkis ja ovddastit iešguđet buolvvaid, sin barggut govvidit oktasaš gullevašvuođa guovlui ja guovlludynámalaš kultureanadahkii. Čájáhus čuvge máŋggabealat perspektiivvaid ja geavadagaid ja čájeha dálá áiggi dáidagiid ovdanbuktimiid Sámis, mat ovdanit olles áiggi.

Don guhte leat gaskal 13-19 jagi ja berustat teáhteris, Searvva teáhter bargobáddjái borgemánu 7. beaivvis 11. beaivái Deanu Birasvisttis!

Deanu Kulturskuvlla ja Sámi Mánáid Teáhter neavtár guoktá Kátjá Rávdná Broch Einebakken ja Eila Ballovara Varsi jođiheaba geassefálaldaga.