Elisabeth Arneng Varsi lea bargan oahpaheaddjin Deanus badjel 40 jagi, ja lea lávken
náittosdili 48. jahkái Sirpmálaččan. Son lea golbma máná eadni ja eallima riggodahkan leat
vel 8 áhkkuba.
Sirbmá, Deatnu ja Finnmárku leat guovddážis su eallimis ja govvabuvttadeamis.
“Bás olmmoš viiddis eanadagain” lea fáddá mii ain máhca, ja son dadjá ieš; “máŋgii sánit leat
hehttehussan gulahallamii, danne lea munnje dehálaš juohkit jurdagiid ja dovdduid govaid
bokte”. Son áicá máilmmi iežas geahčastágas ja sámi perspektiiva lea čađat das.
Elisabeth Arneng Varsi lea sárgon dan rájes go doallagođii bliántta, ja nuorran son sávai ge
gazzat dáiddaoahpu, muhto niehku ii ollašuvvan ovdal go manai ealáhahkii 62- jahkásažžan.
Dalle šattai Askera dáiddafágaskuvla (2009-2012) su gáldun ođasmahttimii ja
inspirašuvdnan. Dat golbma jagi adde sutnje ođđavuolggasaji dáidagii ja dan rájes son
duođasge njuohtagođii.
Son bargá eanaš akrylain liinni ala, muhto geavaha maid tušša ja čina iežas bargguin.

Jos ehpet geargga čájáhus rahppamii, de lea vejolaš maŋŋá fitnat guovddážis, go govat heaŋgájit muhtton áigge doppe.